Hiiiii，其實好簡單，通常係指係marketing field當中兩種唔同嘅role。先講講in-house，其實即係喺一啲brand / corporate入面嘅marketing team，譬如某化妝品牌嘅marketing officer，負責個品牌做marketing嘅大方向，決定下季嘅focus等等，比較planning level嘅工作。而好多呢類型嘅公司，自己內部都冇一啲team係專門去execute呢啲計劃，所以就需要將呢啲execution工作outsource俾agency去做，例如大家較常聽到4As advertising agency / PR agency / media agency / event agency，仲有近呢十年隨著mobile device興起嘅digital agency等，都會負責marketing落地嘅工作，例如design / production / media buy等等等等。

所以一句講晒，就係做客(in-house)同service provider (agency)嘅關係。