Hello! 我會答你如果目標係幫自己build cv同第時搵工，絕大部分嘅internship同placement都值得去做嘅，不過現實係其實好睇你覺得自己cv本身夠唔夠豐富，如果到final year cv上一份internship都冇，咁一定要去做啦；如果本身已經有好幾份唔同嘅internship experience，做完呢個placement都係差唔多搵返咁上下嘅gradjob，咁又可以再諗諗。L'Oreal呢幾年都幾積極發展campus engagement，由internship / placement / Ignite都有，做完至少對你in返L'Oreal MT一定有幫助先，而其他幾間FMCG，亦可以話係爭緊同一批candidate，我覺得最大好處係幫你過到screening，同埋interview時講得出最相關嘅experience & observation。

至於話前景人工出路，graduate programme嘅話，間間都有啲唔同，但香港的話一定係aim P&G、L'Oreal、Reckitt (RB)，同埋Unilever，不過u近年喺香港recruitment相對冇咁給力，starting salary由2尾到3頭不等，但之後就好睇performance啦，如果想aim多啲bonus / commission，多數aim sales / key account嘅role。早前仲同其中一位HR傾過，話有同事由graduate programme加入，咁多年performance唔錯，7-8年做到director grade，basic annual salary都有1m hkd。出路當然好睇你咩stream啦，sales / key account係其中之一，另外common嘅有marketing / branding同埋supply chain / product planning，好多時都會喺FMCG / Luxury / Consumer Brand之間跳嚟跳去，但又好少話突然轉去完全唔同嘅一行，除非早期就決定砍掉重練。