食得咸魚抵得渴，作為retail+MT接觸frontline實在無可厚非，不過細佬我認為你可以從兩個方向去衡量(當然如果你冇其他offer或interview就冇懸念啦)： 

1.+呢次做frontline嘅objective係咩？

正常嘅MT+Programme，安排你去一個部門工作一段時間，當然係唔只齋perform咁簡單，重點在於你去到之後，可以了解晒唔同部門嘅運作係點，一嚟等你可以極速認識整個行業同公司；二嚟可以令你對公司內部有一個跨部門嘅認識，第時工作要搵跨部門嘅人幫手合作都容易啲；三嚟就係可以藉住呢趟旅程去發掘一啲公司痛點，之後以project形式解決問題。講返你嘅情況，雖然唔exactly知道你係邊個retail+MT+programme，不過如果你嘅programme安排你去frontline係有以上目的，而唔係單單叫你去前線跑數交人頭嘅話，相信佢嘅培訓都唔係想淨係groom你做sales+role咁簡單。相反，好單一嘅+/+冇乜目的嘅+/+冇乜training+plan嘅，甚至乎rotation都冇嘅，咁就真係要諗清楚公司會唔會係掛羊頭賣狗肉喇。 

2.+完咗programme之後，係咪有得揀落籍邊個department先？ 

所謂有得揀先至係老闆。以前聽講過有啲公司會用hosting+department嘅名義，令你即使完成咗整個rotation之後，都冇得選擇自己想加入嘅部門，而果啲所謂嘅rotation，亦只係象徵式一兩個月咁，有MT之名，無MT之實。如果有咁嘅情況，又可以衡量下究竟公司係想請一個further+leader，抑或其實都係借MT虛名請其他role嘞。 如果答完呢兩個問題，都覺得係make+sense嘅，而個programme又係你想做，而待遇又ok嘅，咁不妨go+go+go！

最後既然講開sales呢個話題，都可以趁呢個機會講下大家好多時對sales+role嘅偏見：好多時畢業生初出茅廬，不免被傳銷或保險等行業影響，令大家對sales嘅觀感唔好，或者有stereotype；同時間又成日聽講要「跑數」覺得好chur，所以一聽見sales+related就馬上卻步。但實情係，sales其實仲有好多種，橫跨好多唔同嘅industry，好多唔同類型嘅客戶，工作內容絕對唔止cold+/++warm+call人，以exposure嚟講其實相當唔錯，如果有機會都不妨接觸了解多啲。至於跑數係咪真係好chur呢，只可以話其實任何一個position，即使好似HR呢種supporting+unit，都有佢嘅「數」要跑，只不過個量詞有啲唔同，冇一份工係唔辛苦嘅😼