MT
retail
consumer

JRG Corporate Management Trainee伏唔伏?

搵工小薯仔
搵工小薯仔

之前報左jardine mt🙈但今日收到email話refer左我去jardine restaurant group嘅Corporate Management Trainee program🤔想問下伏唔伏?見上網好少相關資料🙇🏻‍♀️又人話係假mt 成個program要3年🤔Thanks🙏🏻

編輯於2020年03月17日

Anthony@OnMyGrad
Anthony@OnMyGrad
Verified-icon高手高手高高手

Hello小薯,呢條係好問題,之前我哋又太概解釋過,唔介意可以少睇之前嘅answer。睇之前都想mention一下,喺LinkedIn有見過n年前Opérations MT做咗兩年之後再入咗Corporate MT,估計咁樣可以反映Corporate MT真心唔係train做店長😂Alright,之前answer如下:

開宗明義先,人工真係未知住,even我哋之前有喺USTHack同JRG合作過,都唔太知佢哋最尾請咗幾多個Corporate MT...因為呢個Program其實只係上年嘅新產物。我哋之前work with嘅係Jardine Matheson rotate去JRG嘅Executive Trainee (JETS),完全係另一回事。 

Source: KFC Facebook Page 

有人會話,車好多年前都見過JRG請MT啦,係假MT嚟嘅,嗱,咁就要講下歷史。冇錯,早及去到我哋腦細們Grad嘅年代(遠古時代 - 2014年),JRG係真係請Restaurant Management Trainee嘅,好似係用Pizza Hut做flagship。直到去到大概2017-18年,就出現咗rebranding,用Jardine Restaurant Group呢個名去請Operations Management Trainee,再去到2018-19先再用Corporate Management Trainee Program去請。如果係用2018年4月deadline果個version,under呢個program都仲係有分Operations MT同Corporate MT兩個streams,一個做舖,一個做office,而佢哋升遷嘅分別如下: 

(1) Continue to Operations MT Program 6 months after: Operations Manager Trainee (1 year) -> Assistant Restaurant Manager (9 months) -> Senior Assistant Restaurant Manager (9 months) ->Restaurant General Manager 

(2) Shift to Corporate MT Program 6 months after: Corporate Manager Trainee (2.5 years) -> Assistant Manager -> Manager -> Senior Manager 

值得一提嘅係,application requirements仲係以Higher Diploma起跳,估計係呢個時候JRG內部雖然想make changes,但始終係有需要請前線leaders,所以想用Corporate Program帶動Operations希望撈多啲higher quality嘅candidate,所以大家都仲係對呢個program未有太大信心。JD如下:https://www.cityu.edu.hk/clc/career_festival/2018/event/lib/jd/CF2018_5026_Pizza Hut Hong Kong Management Limited.pdf 

直至剛剛再做research,發現JRG喺LinkedIn再post呢兩個Programs,但終於係分開咁出,Operations→ Higher Diploma vs Corporate → University Graduate,再分返清楚Corporate MT嘅rotation plan為3年 (2 PLUS 1 YEARS ) 雖然依然要落半年舖,但之後都係會返office rotate去3個Business functions,仲會有半年嘅overseas assignment。加上根據之前JRG極高層同我哋閒聊中分享過,以KFC為例,原來佢哋有一半嘅orders都係嚟自online,所以見佢哋開始有新舖開幕走higher-end路線(cwb KFC),應該佢哋希望逐漸將retail stores變做more like experiential outlets,corporate就轉型走e-commerce model。雖然未知人工,但無論從佢program嘅質變,到佢成個集團嘅corporate change,如果唔介意面懵懵做半年舖,呢個program我哋直係會有啲期待👍🏻 

Reference:https://inews.hket.com/article/2326246/怡和餐飲數碼轉型 未來3年增3倍投資

    
編輯於2020年03月21日
http://onelink.to/75sv3m
下載手機應用程式
展開求職學習之旅