interview
返工返到懷疑自己有depression，應唔應該辭職
Dondondonki
我本身讀新聞系 因為做過記者覺得辛苦 所以畢業時有諗過唔做返新聞業
但我最後都係做咗新聞工作者 眨吓眼都就快一年
工作性質係編輯嗰類 要接觸文字同美術 網上同報紙都要搞下
同一條team得我係新人 再對上嗰個都喺度做咗10年
自問學野都算慢 呢樣真係死症 份份工都好驟忌
加上對art冇乜sense 同埋同事全部都好有經驗 自己都會好有對比
初初無論上司定係美術部都畀好多說話我聽
經過一輪苦練同吸收 半年之後終於叫做慢慢熟手咗 咁要求一定慢慢提高 我都盡量推自己進步
上司要求都一路提高 我都一跟學 去到近呢個幾月 我個腦開始閉塞
以前我一個故仔可以諗好多方法好多畫面去present
但宜家見到自己做野效率咁樣 我直頭專心唔到做野 有時乜都交唔到 好似變返新仔啱啱開始返工咁
我有嘗試多啲push自己做好啲 但好似越搞越衰
反思呢一年 好似咩都冇精通過咁 有諗過自己係咪唔適合呢行 係咪應該轉工甚至轉行
每日返工好大壓力 又開始變到好驚返工
究竟我係唔係應該轉行 但我真係唔知自己啱做咩工
身邊有朋友曾經都有類似情況 之後睇醫生發現係depression 宜家keep住食藥
定係我應該裸辭休息下先 但家陣經濟唔好 好驚之後有排失業
編輯於2020年09月04日
Anthony@OnMyGrad
高手高手高高手
Hello Donki!! 一去到有機會因工作壓力而帶嚟情緒病，始終唔係專業人士唔方便多講，但你肯講出嚟已經踏出第一步，highly appreciated👍🏻
第一步建議真係快啲去睇一睇醫生，始終佢哋先俾到真實嘅診斷你同俾到解決嘅方法你，其實有無depression你都未知🤔
其次，休息係需要的，但辭職唔係唯一辦法。當然都唔容易申請到，但同公司申請no-pay leave / sabbatical一年半年可能係其中一個出路，加上如果睇埋醫生有proof可能會容易好多。雖然會為同事帶嚟少少不便，但其實你deliver唔到都係一樣，所以對自己好啲，對同事都好啲。
最後，希望你能夠盡快搵到專業人士傾傾。近期嘅RSM發生過一件嚴重得多嘅事件...壓力真係會迫爆一個人，加油，共勉之💪🏻💪🏻
編輯於2020年07月12日
是焦土友🦑
頭盔先，非專業意見
我就老派人，如果個個香港打工仔搵心理醫生，好大機會一半以上都會有心理病，呢個喺普遍現象，唔好擔心自己喺唔喺有病先。。。
依家社會上個個谷住谷住，又無得出去旅行隔一隔，由其喺依家咁多事發生。。。
- 諗番自己一開始點解最終都喺揀呢行
- 唔好強迫自己做一啲覺得會令自己好嘅嘢，包括以下建議
- 戶外走走，專注做吓自己有興趣嘅嘢：煮飯仔、沖咖啡、砌模型
- 做呼吸練習，download meditation/mindfulness App 試吓用
講返裸辭，呢個時勢又真係無咁好，搵到工先轉會比較穩陣 😅
當然，搵專業人士幫手一定有幫助
多謝報道真相事實嘅新聞從業員💪🏻
編輯於2020年07月12日
