Hello, 恭喜你收到想要嘅offer先啦！理論上大公司出得email俾你話有offer，正常情況都唔會無啦啦走咗數嘅，除非vetting果部分有問題架姐(如果有)，佢應該真係要arrange下簽約或集齊晒所有department一次過official咁出，又怕個candidate俾人搶咗去，先叫你再等等架姐。

但明白一日未簽，其實心底都會有啲啲不安嘅，可以理解嘅，不過以上做法冇話正確定錯誤，純粹唔係太好，因為之後就算簽咗再decline 2nd offer，雖然冇法例上嘅衝突(因為都係當你probation第一個月辭職即日notice咁處理)，但其實都會麻煩到2nd offer個HR架。如果得嘅話，可以嘗試問下2nd offer果邊，有冇可能俾多啲啲時間考慮，可以就當然最好；但唔得的話，喺方便對方做事嘅層面上，都唔建議簽約。