Hello, 傳統智慧(即係上網睇啲article啦)，好多都會唔建議咁做，因為假設唔同opening嘅application，都係由同一位HR睇的話，咁佢當然會知道你apply咗幾個role，好容易顯得一係個人舉旗不定 / 魚翁撤網，一係就顯得個人好絕望，乜都報咗先算，可能某程度上反映咗能力問題。但現實中，我覺得可以視乎情況嘅。首先有啲graduate或internship programme，其實會寫明可唔可以同時apply幾個唔同嘅role或programme，如果見到有寫明，咁就容易決定。

但如果冇寫明可唔可以，我覺得就睇你嘅目的啦，如果兩個role喺係心目中其實差唔多嘅，純粹想搏多個機會，apply both都未必有幫助，建議避免反效果就算；但如果係apply咗一個，之後發現第二個先係你自己更加prefer嘅role嘅話，咁又值得再apply埋第二個，可以同HR講你發現呢個role更加適合自己所以再apply多次，希望唔會麻煩到佢諸如此之類。

頭盔呢樣嘢其實真係眾說紛紜，以上純屬個人意見，未必有絕對嘅答案。