Hello hello, 個人覺得呢個係good sign嚟嘅，如果冇打算有next step，問嚟都晒氣啦。不過講真，呢兩條問題較常見於face-to-face interview，好少可會咁樣白紙黑字咁問。但anyways，如果你都想有next step的話，都要覆架啦。佢咁樣做，基本上都係想衡量下你reject offer嘅機會有幾大，同埋佢自己揀嘅candidate喺求職市場上嘅competitiveness，同埋收下風睇下其他公司去到咩stage架姐。

首先第1條比較直接嘅，個人覺得直接答返好有興趣，補多一兩句你自介時講點解想join嘅理由就okay，同埋呢間公司對你嚟講有咩獨特之處。又唔駛話勁誇張咁一大篇嘢講到話你人生準備咗20年就係為呢刻咁，正正常常俾佢知道你都有啲take呢個offer嘅動機就okay。

而第2條呢，冷靜諗一諗會有啲機會中伏嘅，首先緊係唔好答「冇」，一個好嘅candidate同時有不同嘅機會喺手其實先係正常；其次就係唔止就咁答「有」架嘛，都會expect你提一提有咩公司咩programme嘅interview，建議有兩點注意，一就係講啲industry接近啲嘅，二就係講啲level接近啲嘅，但又要俾HR feel到如果佢同時出offer，你都prefer take佢offer，所以第1條要講獨特之處就係咁解。少少個人意見，希望幫到手同埋祝你早日收offer！

請問你係in完幾耐之後收到🙇🏻‍♀️🙇🏻‍♀️