Hiiii, self-introduction嚟講，其實都好睇情況，video interview / first (HR) in / final或panel in都可以有啲唔同。先講一樣嘅部分，無講邊一round，當然劈頭開波會想知你叫咩名嚟自咩background (咩U / 咩科)，好簡短就okay。見有啲啲人劈頭會用啲template自介，例如用"ABC"形容自己，A即係action，B即係........呢種一聽就好罐頭嘅開場，其實反而有啲尷尬，因為一聽就知你Google most impressive opening / creative self-introduction....我覺得正正常常就好...

跟住下半part就好似開頭咁講，因應返係咩情況嘅微調一下，而點樣做，就好睇你interview嘅對象係邊個，如果係頭幾round，即vi / first / hr，我覺得都可以講啲比較general嘅嘢，即係點解你想入呢個industry / 呢間公司，而呢個位就可以由你嘅嘅經歷或對行業 / 公司做咗嘅research去support，等HR at least mark到你係有備而來，亦有一兩個記得關於你嘅point，而唔係純粹random搵份工，咁其實已經三兩分鐘，其他不如留返HR follow up question問仲好，始終聽一個人連續講嘢咁耐都會好易out fo。

而final / panel，就真係可以tailor少少個內容，最好當然可以事先了解下interviewer嘅background，咁你可以tailor返一個佢會buy嘅angle；但多數情況其實都唔會知，咁唯有specific地講下自己對in緊個role嘅嘢，點解咁specific係想做呢個role，動機係咩，點解適合，做咗咩準備工夫，甚至係前round同其他interviewer嘅互動體會到啲咩，其實已經夠。btw有啲人會以為入到final round驚重覆就唔駛點講下自己background，其實建議點都要講下，因為你永遠唔知果個interview或department head有冇大力involve喺前段recruitment / assessment，可能join過AC但貴人事忙已經完全冇印象都唔奇。