Hiii, 想諗要有咩分別，首先可諗下兩者有咩分別，我覺得有兩個層面：1) 聽嘅對象唔同，vi多數由HR去睇，主要purpose係頭幾round做screening，而final多數由department head去做，就真係因為你已經過晒啲assessment，最後睇下你個人係點；2) 形式上有啲唔同，vi對住鏡頭講，好多時都係pre-recorded形式，而final就應該百份百都係真人互動架喇，亦有機會知道interviewer exact係邊個，或at least知道佢個role。

睇完以上，大概都feel到前者嘅內容其實可以比較general，講下你嘅background係咩，有咩特點，點解想join呢個industry / 呢間公司 / 呢個programme，等HR可以"mark"到嘢；而後者，當然都要包括呢啲，因為interviewer都好可能冇involve過喺前幾round，都有需要藉呢個self-introduction認識你，所以有重覆嘅內容其實好正常，而更進一步係你可以因應interviewer嘅background，再tailor一下個內容，例如你in緊一個fintech相關嘅role，都可以highlight下曾經參加過某比賽，inspire咗你+令你對呢個field有興趣，亦可以睇到interviewer嘅即時反應，當下決定講多/講少，等佢追問或之後你再反問返佢嘢，感覺更加似人性化傾計instead of背稿mode。