如果唔同industry去比較大家出手其實意義唔大既，因為每一行都有其特性。至於你選擇得測量師行，其實應該同番哩一個industry去比較先好。 

用accounting既big4做例子，入職人工大家都知唔係話特別高，大家都知係工時長，但大家個著眼點唔係一開始既package，而係到底間公司有無發展前景，大家將來考到牌會點，升到上去做partner會係點。 

其實鬼佬測量師行得幾間(有啲人會話四大、或者五大咁)，每一間既package其實都差唔多。每一間都會有自己叻同埋無咁叻既地方。如果你要做測量師，或者係broker，consultancy，入測量師係不二法門。 

JLL 會係layman黎講最well-known，因為好多大廈都係由JLL做物管，所以會見到好多JLL logo出現。幾間之中係四平八穩，由於有好多大廈管理，所以辦公室相關既業務係做得幾好，加上外資行身份有好唔少global account拎住。 

CBRE 會係幾間之中"最大"，"最大"既意思係講緊個global個市值，但香港業務黎講，同JLL係唔多，大家之間排一、二。有大量global contact，本地主要銀行都係CBRE既account，換句話講就係間公司會自動有啲大客requirement跌落黎。間公司主要係sell global platform。 

DTZ/Cushman & Wakefield 就係大陸connection比較完善，都同梁振英當年建立既關係有關。 

Savills 就係投資部門比較出名，好多大碼成交都係經Savills完成。